Lieder bis 1220 (Walther von der Vogelweide)

Aus elib.at

.

Walther von der Vogelweide (1170 - 1230)


Sprüche der Jahre 1205 bis 1220


--

Nieman kan mit gerten (87,1)
Man seit mir ie von Tegersê (104,23)
Daz milter man gar wârhaft sî (104,33)
Wer kan nû ze danke singen (110,27)

--


I
L 87,1
Nieman kan mit gerten
kindes zuht beherten.
den man zêren bringen mac,
dem ist ein wort als ein slac.
5
dem ist ein wort als ein slac,
den man zêren bringen mac.
kindes zuht beherten
nieman kan mit gerten.


II
L 87,9
Hüetent iuwer zungen,
daz zimt wol den jungen.
stôz den rigel für die tür,
lâ dekein boese wort dar für.
5
lâ dekein boese wort dar für,
stôz den rigel für die tür,
daz zimt wol den jungen.
hüetent iuwer zungen!


III
L 87,17
Hüetent iuwere ougen
offenbâr und tougen,
lânt si guote site spehen
und die boesen übersehen.
5
und die boesen übersehen
lânt si guote site spehen,
offenbâr und tougen
hüetent iuwere ougen!


IV
L 87,25
Hüetent iuwere ôren
oder ir sint tôren.
lânt ir boesiu wort dar in,
daz gunêret iu den sin.
5
daz gunêret iu den sin,
lânt ir boesiu wort dar in,
oder ir sint tôren,
hüetent iuwere ôren!


V
L 87,33
Hüetent wol der drîer
leider alze frîer.
zungen, ougen, ôren sint
dicke schalkhaft, zêren blint.
5
dicke schalkhaft, zêren blint
zungen, ougen, ôren sint,
leider alze frîer
hüetent wol der drîer!


VI
L 88,1
Nieman ritter wesen mac
drîzec jar und einen tac,
im gebreste muotes,
lîbes alder guotes.
5
lîbes alder guotes,
im gebreste muotes,
drîzec jar und einen tac
nieman ritter wesen mac.


-


L 104,23
Man seit mir ie von Tegersê,
wie wol daz hûs mit êren stê,
dar kêrte ich mêr dan eine mîle von der strâze.
ich bin ein wunderlîcher man,
5
daz ich mich selben niht enkan
entstân und mich sô vil an frömede liute lâze.
ich schilte sîn niht, wan got genâde uns beiden.
ich nam dâ wazzer,
alsô nazzer
10
muost ich von des münches tische scheiden.




HILF MIT !!!
Typewriter Mac.png
Eigene Texte hochladen

Flattr this

|

[ Autoren ] · [ Werke ] · [ Literatur ] · [ Land ] · [ Themenkreis ] · [ Uni-Fachgebiet ] · [ Rezension ] · [ Tools ] · [ Schlagwort ] · [ Community ]

Meine Werkzeuge