Der Meisnerton (Walther von der Vogelweide)

Aus elib.at
Wechseln zu: Navigation, Suche

.

Walther von der Vogelweide (1170 - 1230)



Der Meissnerton (um 1212/13)


Nû sol der keiser hêre (105,13)
Der Mîssenaere solde (105,27)
Ich hân dem Mîssenaere (106,3)


I
L 105,13
Nû sol der keiser hêre
vur brechen dur sîn êre
des lantgrâven missetât.
wand er was doch zwâre
5
sîn vîent offenbâre
die zagen truogen stillen rât:
si swuoren hie, si swuoren dort,
und pruoften ungetriuwen mort.
von Rôme fuor ir schelten.
10
ir dûf enmohte sich niht verheln,
si begonden under zwischen steln
unde alle ein ander melden.
seht, diep stal diebe,
drô tet liebe


II
L 105,27
Der Missenaere solde
mir wandeln, ob er wolde.
mînen dienst lâz ich allez varn,
niewan mîn lop aleine.
5
deich in mit lobe iht meine,
daz kan ich schône wol bewarn.
lob ich in, sô lob er mich.
des andern alles des wil ich
in minneclîch erlâzen.
10
sîn lop daz muoz ouch mir gezemen,
oder ich wil mînez her wider nemen
ze hove und an der strâzen,
sô ich nû genuoge
warte sîner vuoge.


III
L 106,3
Ich hân dem Missenaere
gefüeget manic maere,
baz danne er nû gedenke mîn.
waz sol diu rede beschoenet?
5
möht ich in hân gekroenet,
diu krône waere hiute sîn.
het er mir dô gelônet baz,
ich dient ime aber eteswaz,
noch kan ich schaden vertrîben.
10
er ist ab sô gefüege niht,
daz er mir biete wandels iht:
dâ lâzen wirz belîben.
wan vil verdirbet
des man niht enwirbet.




HILF MIT !!!
Typewriter Mac.png
Eigene Texte hochladen

Flattr this

|

[ Autoren ] · [ Werke ] · [ Literatur ] · [ Land ] · [ Themenkreis ] · [ Uni-Fachgebiet ] · [ Rezension ] · [ Tools ] · [ Schlagwort ] · [ Community ]